CAGAYAN DE ORO CITY-Gipaagi na lamang sa pamilyang Bulado sa social media drive ang ilang pangamuyo nga makatigom sa 5-mil dolyares.
Kini aron aron madala’g balik sa Pilipinas ang patayng lawas sa kanhi PBA legend Cristiano Bolado,48 anyos human mamatay sa pagka-aksidente sa motorsiklo sa Phnom Penh,Cambodia sa miagin adlaw.
Gibutyag ni Bombo Radyo news international correspondent Reyneson Maglacion nga namatay si Bolado human bangga-e sa wala pa maila nga drayber sa Isuzu pick-up truck.
Gi-angkon ni Maglacion magkalisod pa ang pamilyang Bolado nga makapauli sa nasud tungod kay daghang papeles pa ang ilang ihikay.
Gidali pa ug dala sa hospital ang biktima apan naka-angkon kini sa daghang bun-og sa lawas ug maayong pagkalata sa iyang tu-ong tiil.Lauman nga madala sa Pilipinas ang patay’ng lawas ni Bolado sa adlaw’g Biyernes.
Si Bolado ang naila usab sa iyang monicker nga “The Lucky Charm” sa tuig 1994 sa PBA samtang midula sa team Alaska.Nagbaton kinig 11 ka kampeonato hangtud sa mi-retiro siya sa iyang karera sa tuig 2003.
