Target sa Department of Foreign Affairs ang kapin libo ka overseas Filipino workers nga mubakwit sa Beirut City, Lebanon.
Kini human mismo si DFA Undersecretary Eduardo de Vega ang padayong mi-awhag sa 11,000 ka OFWs nga nakabase sa maong nasud nagpadumdum nga dunay madawat nga benepesyo ang tanan mupailawom sa repatriation.
Gihimo ni De Vega ang pahayag dihang presko pa lang ang sinukliay cross border attacks gikan sa Hezbollah militants sa Lebanon batok Israeli Defense Forces sa Israel.
Gani,gahapon gi-angkon ni IDF spokesperson Rear Admiral Daniel Hagari nga sila ang responsabli sa pag-atake sa Beirut tungod kay target nila sa operasyon ang dakong lider sa Hezbollah nga maoy responsable sa mass killing sa nasud Germany, Middle East ug Amerika.
Patay sa targetted attacks sila Senior Leader Ibrahim Aqil, Top Commander Ahmed Wabhi ug 14 ka miemrbo niini.
Sa pikas bahin, wala angkona sa IDF nga sila ang responsabli sa duha ka adlaw nga pager attack sa Beirut ug kumbinsido nga hinimoan kini sa Hezbollah militants.(Bombo Anne Quileste).
