CAGAYAN DE ORO CITY – Gipa-overtime na lang sa mga employers ang mukabat sa libuang ihap sa mga Pinoy nga nanarbaho sa usa ka textile manufacturing company didto sa Weagwan, Chilgok County, North Geongsang South Korea.
Nunot kini sa dakung bahad sa COVID-19 sa ilang nasud.
Sa interbyu sa Bombo Radyo kang Archie Gaamil, lumad nga taga Brgy. Bulua ning syudad, ug usa ka factory worker sa Weagwan, iyang gi-angkon nga gidawat nila ang tanyag nga overtime pay inay maglaag sa mall.
Gani, iyang gibutyag nga may panic buying na sa face mask sa ilang nasud ug halos wala nay musulod sa ilang mga merkado.
Hinoon, gitin-aw ni Gaamil nga walay laraw ang ilang filipino community nga mupauli sa nasud bisan pa man nga misaka pa sa kapin 5,000 ang infected sa corona virus sa South Korea.
