CAGAYAN DE ORO CITY – Dili sundon sa set aside regular board of directors ug general manager nga nagsilbing petitioners ang legal opinion nga ilang gipangayo gikan sa Office of the Govt Corporate Counsel o OGCC kabahin sa full takeover sa Local Water Utilities Administration sa Cagayan de Oro Water District ning syudad.
Kini taliwala nga sila mismo ang midangop ug nangayo sa punto-legal sa OGCC kon ensakto ba ang LWUA intervention sa COWD bisan wala mahaom sa probisyon sa Presidential Decree 198.
Namahayag si Dr Gerry Caño,regular COWD BoD nga dili kini ang ilang gusto isulti sa OGCC ngadto sa ilang hangyo rason nga ibalewala nila kini ug ipa-esplikar kon nganong wala mopabor kanila.
Kabahin sa gigamit nga basehan sa on-floating COWD officials pagbalewala sa legal opinion ang mismong pagkomento sa OGCC sa maong isyu taliwala nga pending na sa korte ang pagkuwestiyon sa COWD ngadto sa interim BoDs ug internal general manager functions.
Gipasabot niini nga kaugalinong kasupakan kini sa OGCC sa ilang patakaran nga dili na mohatag komento sa usa ka isyu kon gidangop kanila kon anaa na sa korte ang hisgutanan.
Namugos kini nga daghan sila’g kuwestiyon sa unod sa OGCC legal opinion rason nga dili angay sundon samtang wala pa’y kasulbaran.
Hisayrang midangop sa korte ang grupo nila ni Caño kay gusto usab nila ipahunong ang LWUA takeover apan nabasura sa miaging Hunyo rason nga sila mi-apelar sa nalugwa nga hukom ug naghulat sa bag-ong desisyon sa husgano.
