Gipangayo sa Oil Price Hike Coalition nga iprioridad sa gobyerno ang survival sa katawhan pinaagi sa pag-nationalize sa lana sa nasud o pagpangunay sa pagpagdagan mismo sa industriya imbes nga pribadong kompanya.
Sa panayam ni Bong Lazaro, Spokesperson sa grupo, iyang giingon nga adunay kaugalingong oil sources ang pilipinas sama sa Malampaya apan ang mga benepisyo niini padayon nga nakapahimulos ang mga langyaw nga kompanya imbes ang katawhang Pilipino.
Giingon niya nga tungod niini, pirmi gihapon kita apektado sa kalihokan sa merkado ug sa speculation sa presyo sa lana.
Dugang pa, iyang gipunting nga dili lamang regulation ang kinahanglan kondili tinuod nga national control aron malikayan ang sobra nga pagsaka sa presyo sa petrolyo ug matabangan ang vulnerable sector sa nasud.
Gipasabot usab ni Lazaro nga ang pag-atiman sa interes sa katawhan dapat unahon kaysa sa interes sa pipila ka dagkong kompanya nga walay ambag sa katawhang Pilipino. (By James Oliver)
