Gilampaso sa Oklahoma City Thunder ang Minnesota Timberwolves sa ilang unang dula alang sa best of seven series NBA Western Conference final.
Si Shai Gilgeous-Alexander maoy leading scorer sa OKC, nga ug nakapunto sa 31.
Sa pikas nga team, wala misibo ang 28 puntos ni Julius Randle aron apason ang 26-point blowout victory sa Thunder.
Sa first half, ang Timberwolves maoy nanguna sa score nga 48-44, apan sa second half, misikad ang Thunder ug nakakuha sa 70-40 nga kalamangan.
Si Gilgeous-Alexander mihipos sag 20 puntos sa second half, ug nakatabang sa ilang team nga makontrolar ang dula. Natapos ang game-1 sa final score 114-88 nga demolisyon batok sa Timberwolves.
