Nakuratan ang mga dumadapig sa nagsilbing crowd favorite nga Oklahoma City Thunder sa mismong korte niini tali sa Indiana Pacers sa game 1 sa National Basketball Association Finals.
Kini human igo lang gipalabaw sa mga sayo nga kuwarters ang OKC apan gipukan sa Indiana sa katapusang segundo sa dula sa pinal iskor nga 111-110.
Nagsilbing bayani sa dula si Tyrese Haliburton tungod sa iyang game-winning-jump shot sa nabiling 3 segundos sa time clock.
Wala nabantayi sa OKC nga ang pagdikit sa Pacers sa iskoring ang sinyales nga nahimo niini ang dramatic comeback ug hingpit makuha ang kadaugan sa game 1.
Giabagan usab nila ni Pascal Siakam ug Myles Turner si Tyrese aron makuha ang unang kadaugan sa best of 7 series sa NBA finals.
Sa maong resulta, nagsilbing dakong tamparos sa Thunder ang kadaugan sa Pacers sanglit sa kaugalingon pa nila nga korte sila gipildi.
Nasayang ang 38 puntos nga nakuha ni NBA regular season MVP Shai Gilgeous Alexander kay wala nila nadepensa ang ilang team kontra Indiana.
Dumduman nga gipakasama sa away ni Goliath ug David ang tapada sa OKC ug Pacers.
Himoon ang game 2 sa adlaw’ng Lunes sa Oklahoma City gihapon.
