Kumbitahon sa Oklahoma City Thunder ug Indiana Pacers ang best of 3 sa National Basketball Association/NBA finals.
Kini tungod kay 2-all na ang NBA finals standing epekto sa kadaugan sa OKC batok sa Pacers sa ilang kulbahinam nga game 3 bag-uhay lamang.
Maoy gigamit nga taktika sa OKC ang wala paghatag sa daghang set play sa ilang star guard nga si Shai Gilgeous Alexander sa unang mga kuwarter sa dula.
Kini ang rason nga gisakyan usab sa Pacers ang maong taktika sa OKC apan wala nila nabantayi ang segundad nga atake ni SGA.
Kini ang hinungdan nga nakuha sa Thunder ang kadaugan sa game 4 batok Pacers sa final score 111-104.
Si SGA nakahimo’g 35 puntos ug miabag usab si OKC forward Jalen Williams sa iyang 27 puntos rason nga naapsan ang Pacers hangtod nga hingpit napukan sa game 4.
Gumikan niini,magsilbi nang best of 3 ang awayan sa duruha kay managsama sila nga tag-duha ang daug ingon man pildi.
Himoon ang game 5 balik sa homecourt sa OKC sa Oklahoma City sa adlaw’ng Martes sa buntag.
