Nanganti ang star player sa Oklahoma City Thunder o OKC nga si Shae Gilgeous Alexander nga mobalik isip lig-on nga team sa pakigharong batok sa Indiana Pacers.
Kini alayon sa ilang game 2 sa best of 7 series sa NBA finals mismo sa teritoryo pa gihapon sa OKC.
Namahayag si Gilgeous nga nakakuha na siya’g igong pagtulun-an sa ilang sakit nga kaparutan ngadto sa Pacers ug kini ang motibasyon nila aron dili na masubli ang nahitabo sa game 1.
Siya miingon nga dili sa tanang panahon nga sila makakuha sa pabor apan maoy pinakanindot nga buhaton sa team nga mo-abante ug bawi-on kung unsa man ang alang kanila.
Dumduman nga tungod sa jump shot ni Tyrese Haliburton sa nabiling 3 segundos sa 4th quarter sa game 1,napukan nila ang OKC sa pinal nga iskor 111 batok 110.
Sulti pa ni Tyrese nga nahimo nila nga mobitasyon ang ilang ulahi nga pakigsangka batok sa mga beteranong team nga Boston Celtics ug New York Knicks aron makasulod sa NBA finals.
Tungod niini,namulong ang Pacers nga kuhaon nila kadaugan sa game 2 aron mas paborabli na ang mga sunod nga dula nga himoon na sa ilang kaugalingong korte.
Dugtong niini,subli ihatag sa Bombo Radyo ngadto sa NBA fans ang malangkubon nga coverage sa game 2 kuyog ang respetado ug multi-awarded basketball player ug coach nga si Arvin Martinez.
Sa kasamtangan,1-0 na ang standing diin pabor sa Indiana
