Gihulagway sa basketball experts nga susama sa away tali kang Goliath ug David sa kasaysayang-relihiyoso ang panagtigi sa Eastern Conference finals champion Indiana Pacers batok Western Conference finals champion Oklahoma City Thunder sa ilang game 1 sa NBA finals sa Paycom Center sa Oklahoma City karong buntag.
Kini tungod sa presensiya sa NBA-Most Valuable Player nga si Shai Gilgeous Alexander nga nagdala sa dakong paglaum nga mangharos ang OKC batok sa Pacers sa NBA championship ning tuiga.
Kabangga sa opensa ug depensa ni SGA sila Tyrese Haliburton ug Pascal Siakam aron mahimong molami ang ilang dula.
Gitratar sa NBA nga usa ka elite defense team ang OKC ug ang Pacers anaa usab sa ilang high-scoring offense nga gamiton nila pagpukan sa team ni SGA.
Gihulatan usab NBA fans ang ipatuman nga game plan ni Pacers coach Rick Carliste nga nangulo kaniadto sa Dallas Mavericks dihang gipukan nila ang heavy-favored Miami Heat sa milabay’ng 2011 NBA finals.(Kuyog ning balita si Bombo Jovino Galang).
