(Update) CAGAYAN DE ORO CITY – Nagkatabla na sa 1-all ang standing tali sa best of teams nga mao ang Oklahoma City Thunder ug Indiana Pacers sa ilang best of 7 series sa National Basketball Association o NBA finals.
Kini human nakuha sa OKC ang game 2 batok Indiana sa pinal iskor nga 123 batok 107 sa ilang korte sa Oklahoma City.
Nangulo sa kadaugan sa Thunder ang NBA regular Most Valuable Player nga si Shai Gilgeous Alexander (SGA) nga mitunol sa iyang 34 puntos inabagan ni Jalen Williams nga mimugna sa 19 points aron hukasan sa ikaduhang kadaugn ang Pacers.
Sumala sa basketball player-coach nga si Arvin Martinez nga maoy nagsilbing in-house analyst sa Bombo Radyo nga ang hugot nga depensa sa OKC ug ang pag-step up sa pipila ka beach players nila ang nakadaug kanila aron sakmiton ang tablahon ang standing sa NBA finals batok Indiana.
Nagsulti usab ang pipila ka basketball analysts nga lisod pugngan ang mga atake ni SGA tungod sa gidala nga combination moves nga gidala niini gikan kang Allen Iversion ug late Black Mamba Kobe Bryant.
Dugtong niini, namahayag usab si Martinez nga hayan sa game 3, lauman nga mas mo-aktibo pa ang partisipasyon sa bench players sa Indiana batok OKC diin himoon na ang dula sa ilang kaugalingong balwarte.
Nangulo sa pildirong Indiana si Tyrence Haliburton nga mimugna lang sa 17 puntos diin dili igo aron kuhaon unta ang ikaduhang kadaugan batok sa OKC
Hisayrang himoon ang game 3 sa duha ka team sa home court na sa Pacers sa adlaw’ng Huwebes alas 8:30 sa buntag.
