Managsama nga nagkinahanglan sa tag-usa na lang kadaug ang Oklahoma City Thunder ug Indiana Pacers aron usa kanila ang makakuha ang giilogang nga tropeyo sa kampeonato sa NBA finals ning tuiga.
Kini human napakyas ang OKC sa pagpangulo Shai Gilgeous Alexander/SGA pagpukan sa Pacers aron unta angkonon ang pinakaunang kampeonato sa liga sa ilang game 6 niadtong Biyernes.
Gipildi sila sa Indiana pinaagi sa pinal-iskoring nga 108-91.
Ang mga kumbinasyong puntos nila ni Tyrese Haliburton,Andrew Nembhard,Pascal Siakam ug bench player Obi Toppin maoy nagpadaug sa Pacers aron makabangon sa ilang gidamgo nga kuhaon ang pinakaunang kampeonato sa NBA.
Wala mosibo ang 21 puntos ni SGA aron mapakulawan sa mismong korte ang Pacers kung sila pa ang mi-kampeon kagahapon.
Tungod niini,magtigi alang sa game 7 ang duha ka pulos uhaw sa kampeonato sa NBA sa mismong korte ni SGA.
Dumduman nga naninguha ang OKC nga mokab-ot sa unang kampeonato sukad nga nabalhin sila sa Oklahoma City tuig 2008 gikan sa pagsilbing kampeon sa pagsilbi pang Seattle SuperSonics.
Samtang ang tinguha usab kab-uton sa Pacers ang ilang pinakaunang titulo sukad nga sila nakahupot niini sa mga tuig 1970,1972 ug 1973 nga nagsilbi pang American Basketball Association ayha misulod sa NBA tuig 1976.
