CAGAYAN DE ORO CITY – Bitbit pauli ni 2020 Olympics boxing silver medalist Carlo Paalam ang medalyang bulawan gikan sa Amman City,Jordan.
Kini human siya milampos pagsakmit sa boxing gold medal pinaagi sa men’s bantamweight divisiion sa ASBC Asian Elite Boxing Championships pinaagi sa split decision win batok Makhmud Sabyrkhan gikan sa Kazakhstan sa miaging Novbyembre 12 ning tuiga.
Nagsilbing early favorite si Sabyrkhan sa maong away tungod sa iyang pagsakmit sa silver medal sa AIBA World Boxing Championships sa Belgrade, Serbia sa 2021.
Apan dili kini babag aron sakmiton ni Paalam ang 10-9 scores gikan sa lima ka boxing judges batok sa lig-ong Kazakh boxer.
Nahuman ang dula sa winning scores nga 30-27 diin ang hurado sa India,Slovakia ug Ireland ang mipabor kang Carlo ug Italy lang ang mihatag sa 29-28 pabor sa Sabyrkhan.
Una niini,nagpasalamat si Carlo sa suporta gikan sa iyang pamilya,national team,local govt sa Cagayan de Oro sa suporta ug labaw sa tanan sa Ginoo nga wala siya’y tatsa sa mga away diin nasakmit pa ang gold medal.
Dumduman nga ayha mibiyahe ang delegasyon sa CdeO boxing team padulong sa maong away,mihapit una sila boxing coach Elmer Pamisa kang City Mayor Rolando ‘Klarex’ Uy diin gihinaut sa city govt nga molampos ang ilang misyon sa natad sa isports alang sa dakbayan.
