CAGAYAN DE ORO CITY – Wala na’y pagsibog si Princess Marcial sa iyang pagkaso’g concubinage batok sa kapikas niini nga si Olympian boxer Eumir Marcial.
Kini human gidayon na niya’g handos ang kasong criminal sa piskalya sa kauluhan batok sa iyang bana.
Miingon si Princess kinsa taga-Cagayan de Oro City nga gihatagan na niya’g tsansa nga magbag-o si Eumir apan wala niini seryosoha ug hinoon padayong nakiglambigit sa laing babaye.
Apan namugos si Eumir nga angayang itug-an ni Princess ang tinud-anay nga panghitabo.
Kini tungod kay nagpalugwa daw’g video si Princess apan dili kumpleto.
Una nang nasapon ni Princess si Eumir ug ang iyang giingong gika-relasyong babaye sulod sa usa ka pinuy-anan didto sa kauluhan.
Apan pagpangugat ni Eumir nga higala lang niya ang maong babaye nga susama niya nga taga-Zamboanga City.
