CAGAYAN DE ORO CITY-Nakagawas na gikan sa ospital ang unang Olympian sa dula nga table tennis nga si Cagay-anon player Ian ‘Yan-Yan’ Lariba.
Kini human natapos na ang ensakto usa ka bulan nga si Lariba ang gihimutang sa isolation room sa St Luke’s Bonifacio Global City sa Taguig City.
Si Lariba ang gisulod sa ospital tungod kay mipaubos sa bone marrow transplant aron mapugngan ang paghambin sa acute luekemia.
Gibutyag sa Bombo Radyo sa inahan niini nga si Gng Mel Lariba nga bisan nakagawas na anak niini apan padayon pa ipadayon lamang gihapon ang daily home medications hangtod Enero 15,2018.
Gipasabot niini nga kon unsa mahimong resulta sa daily medication ni Lariba ang gilayon kining hataga’g tambal aron iyang mainom.
Mopaubos usab sa kada-semana si Yan-Yan nga lab test ug daily medications aron mapadali ang paglig-on sa iyang immune sytem.
Katuyuan niini nga mapugngan ang unsa man nga impeksyon samtang magpabilin kini sa usa ka pribadong lugar sa kauluhan.
Dugtong niini,subli nangayo ang pamilyang Lariba sa mga pag-ampo gikan sa katawhan alang sa dinaliang health recovery.
Hisayrang mismo ang igsoon nga si Yen-Yen Lariba ang nagsilbing blood donor ni Yan-Yan alang sa bone marrow transplant nga malampuson nga nahimo sa mga doktor sa St Luke BGC niadtong Oktubre 2017.
