CAGAYAN DE ORO CITY – Gilubong na ang patay’ng lawas ni Olympian Cagay-anon Ian ‘Yan-Yan’ Lariba sa Oro Gardens sa Brgy Lumbia ning syudad.
Kini human ang kapi’g semana nga public viewing gikan sa kauluhan ug diha sa St Peter’s Chapel Brgy Lumbia sa dakbayan.
Miingon Gng Mel Lariba,inahan ni Yan-Yan nga mitambong usab sa lubong si Philippine Olympic Committee chairman Ricky Vargas ug ubang opisyal sa national table tennis association gikan sa kauluhan.
Si Yan-Yan ang namatay sa sakit nga leukemia ug kanser sa dugo sa edad 23 anyos samtang nag-training unta kini alang sa championship game sa Germany niadtong Mayo 2017.
Nagpaabot usab sa ilang mga pasubo sila si City Mayor Oscar Moreno ug Gov Bambi Emano tungod sa sayo pagkawala ni Lariba kinsa produkto sa Palarong Pambansa dinhi sa rehiyon.
