CAGAYAN DE ORO CITY – Gibuksan na multi-million peso nga balor sa Olympic size swimming pool nga nahimutang diha sa lungsod sa Naawan,Misamis Oriental.
Kini human tambungi sa inila nga 2-time Olympian ug 15-time South East Asian Games swimming gold medalist Eric Buhain ang soft opening sa pasilidad kagahapon sa buntag.
Gibutyag ni Misamis Oriental Gov Bambi Emano nga kahigayunan na unya kini nga maka-host ang lalawigan sa mga umaabot nga Palarong Pambansa o international swimming competition gumikan sa katukuran niini.
Namahayag ang gobernador nga itugyan na niya sa local govt unit officials ang pagdumala ug pagmintinar sa maong pasilidad sa oras nga hingpit na kining matibawas.
Hisayrang igo nahuman ang pagbukas sa 88 milyon nga balor nga swimming pool,gilayong gilusad ang Misamis Oriental Sports League-Swimming Event kagahapong adlawa.
