CAGAYAN DE ORO CITY, Philippines – Gilimpyuhan na sa mga street vendors ug mga makililimos ang gibansagang “Olympic Village” sa Paris France.
Ang kalihukan nagsumikad sa tinguha sa lokal nga kagamhanan sa Paris nga mahimong limpyo ug hamugaway ang ilang gi-ambisyon nga olympic village para sa mga musalmot nga 10,500 atleta, ug 5,000 coaches.
Mudugang pa niini ang laing 310 events para sa Summer Olympics, nga tambungan sa 2,900 atleta, ug 2,000 coaches.
Ning tuiga, dunay gatus ka mga dula alang sa nagkaduol nga torneyo.
Miingon si Olympic Village Director – Laurent Michaud nga dili ti-aw ang gibubo nga salapi ug pagpaningkamot sa Paris aron hatagan sa labing taas nga kalidad nga sports facilities ang mga atleta sa tibook nasud.
