CAGAYAN DE ORO CITY-Kasuhan na sa kapolisan ang kapikas ni terrorist leader Omar Maute nga si Minhati Madrais alyas Baby sa piskalya sa Iligan City ning adlawa.
Kini human unang nasikop sa PNP ug AFP si Madrais nga nagtago-tago sa usa ka subdivision sa Brgy Tubod sa maong syudad.
Gibutyag ni Sr/Supt Leony Roy Ga,director sa Iligan City Police Office nga kasong illegal possession of explosives ang ipasaka nila batok sa suspek.
Gihatagan usab nila sa seguridad ag suspek hinungdan nga gipahimutang nila kini
sa Camp Tomas Cabili sa maong syudad.
Si Madrais ang gipatago ni Omar mismo sa adlaw nga nga nahitabo ang pag-atake sa Marawi City niadtong Mayo 23 ning tuiga.
Samtang nangayo’g panabang sa Indonesian embassy si Madrais.
Gusto ni Madrais nga ibalhin ang iyang kustudiya kay nameligro ang iyang kinabuhi sa detention cell sa PNP-CIDG didto sa kauluhan.
Nanawagan usab si Madrais nga itugyan sa Indonesia embassy ang kustudiya sa ilang
unom ka anak ni Omar.
Si Madrais ang nasikop sa hiniusang pwersa sa PNP ug Joint Task Force Ranao sa BrgyTubod, Iligan City niadtong domingo.
