CAGAYAN DE ORO CITY-Gikalipay ni City Mayor Oscar Moreno ug sa iyang supporters ang pagbakwi sa Ombudsman sa dismissal order batok kaniya.
Kini may kalabutan sa pakig-negosyar ug kompanyang Ajinomoto sa buhis nga bayran niini panudlanan sa syudad.
Unang mipasaka’g kaso si kanhi Taglimao Brgy Kap William Guillani batok Moreno kay nagsulod sa negosasyon aron masibog ang kaso sa korte nga wala mananghid sa city council niadtong tungura.
Una nang gipapha sa Ombudsman si Moreno ug kanhi city treasurer Dr Glenn Baniez apan napugngan usab kini sa writ of preliminary injunctions nga gilugwa sa Court of Appeals-Mindanao tuig 2017.
Samtang dili pa luwas sa pagkapapha sa katungdanan si Moreno.
Kini tungod kay duha ka hugna sa kaso ang gipasaka ni Guillani batok Moreno alayon sa isyu sa ajinomoto nga gisudlan sa syudad.
Miingon si Guillani nga may gihulat pa kini nga resulta sa iyang reklamo nga nakaung-ong sa Korte Suprema.
Si Guillani ang nangusog sa maong kaso batok Moreno ug Baniez dihang nagdawat sa sa compromise amount ang syudad gikan sa ajinomoto bugti pagsibog sa kaso nga nakaung-ong sa korte sa tuig 2017.
