Gipaniguro ni Ombudsman Jesus Crispin Remulla nga mapagawas nila ang kopya sa Statement of Assets, Liabilities and Net worth o SALN ni Vice President Sara Duterte.
Nunot kini sa gi-isyu nga subpoena sa maong dokumento sa House Justice Committee, kagahapon. Namugos si Remulla nga tumanon nila ang ilang responsibilidad ug kung unsa ang mandato sa balaod sa Pilipinas, kalabot sa proseso sa reklamo nga gisang-at sa bise presidente.
Una niini, mibahad si Remulla sa komitiba ni Congresswoman Gerville Luistro nga manubag sa Ombudsman kung dili ihatag kanila ang kopya sa gipangayo nga dokumento.
Mahinumduman nga mismo si Bicol Saro Partylist Representative Terry Lacuanan Ridon, ang nagmosyon nga ipasubpoena ang 2007 hangtud 2025 nga SALN ni VP Sara ug sa iyang kapikas, apan gisupak kini ni Cagayan de Oro City 2nd District Representative Rufus Rodriguez kay tataw kini nga porma sa “fishing expedition”.
