Gipasalig ni Ombudsman Jesus Crispin ‘Boying’ Remulla nga paminawon sa Office of the Ombudsman ang panig ni Vice President Sara Duterte bahin sa mga pasangil nga giatubang niini.
Matud ni Remulla, makasalig ang Bise Presidente sa patas nga pagtratar alang sa giatubang niining mga pasangil ug makasiguro usab kini nga ipaagi sa hustong proseso nga nakabasi sa mga ebidensya ang imbestigasyon o ang pagpasaka og pormal nga kaso batok kaniya.
Mahinumdoman nga nagsumite og kinahong mga ebidensya ang National Bureau of Investigation (NBI) ngadto sa Ombudsman mahitungod sa resulta sa imbestigasyon niini, diin nadiskubrihang matud pa adunay ‘misdeclarations’ sa kabtangan sa Bise Presidente sa iyang Statement of Assets, Liabilities and Net Worth (SALN).
Human madawat sa Ombudsman ang ‘NBI referal’ kay gipaubos na kini sa inisyal nga ebalwasyon aron madetermina ang sunod nga mga lakang ug kon ugaling mosaka kini ngadto sa preliminary investigation kay kinahanglang magpasa ang Bise Presidente og counter affidavit. (raniel mahunyag)
