Dili malikayan nga masaypan si Ombudsman Jesus Crispin Remulla sa pagka-bayas tungod kay aduna kini’y political background sa wala pa mipungko sa iyang kasamtangang posisyon sa gobyerno.
Miingon si Atty James Judith nga sa wala pa milingkod si Remulla sa taas nga posisyon, mi-agi una kini’g pagkakongresista
ayha natudlo sa Department of Justice sa panahon ni kanhi Presidente Duterte, ug subli natudlo sa pagka-Ombudsman sa panahon ni Presidente Ferdinand Marcos Jr.
Gumikan sa pagsilbi sa duha ka presidente, taas ang tsansa nga dali siyang mabatikos kung asa gapadulong ang pagpabor sa iyang opinyon. Busa, alang kang Judith, dakung hagit kang Remulla ang pagkombinsir sa katawhan nga kamatuoran lamang ang iyang gipagawas nga impormasyon ug walay sagol pamulitika. \
Dili usab malalis nga ang katawhan mas ganado mamati sa ipagawas nga impormasyon sa mga opisyal sa gobyerno kay ang isyu o panaglalis dili na lang kutob sa legal nga proseso sa korte, kundili nahimong bahin na sa panan-aw ug paghukom sa katawhan.
