Andam na ang Office of the Ombudsman nga pasakaan og kasong plunder ug malversation si Senador Jinggoy Estrada tungod sa kalambigitan niini sa flood control scandal.
Gipahibalo ni Ombudsman Jesus Crispin Remulla nga napirmahan na niya ang case information ug gipunting nga isampa kini sa Sandiganbayan karong Huwebes sa buntag.
Dugang pa sa maong opisyal, gipaagi gyud nila sa makuting pagtuon ang resolusyon aron maseguro nga pulido ang tanang detalye sa kaso sa dili pa kini iduso sa hukmanan.
Hinoon, gihimakak ni Remulla ang pasangil nga gi-single out ang mga senador sa mayorya tungod kay prayoridad lamang nila ang pagtubag sa interes sa katawhan bahin sa maong proyekto.
Sa pagkakaron, padayon usab ang ilang gihimong imbestigasyon batok sa ubang mga personalidad nga posibleng makasohan usab sa susamang krimen sulod sa sunod nga duha ka semana
