CAGAYAN DE ORO CITY – Opisyal nang gilugwa sa Centrist Democratic Party of the Philippines -Cagayan de Oro Chapter ang ilang official candidates alang sa 2025 elections sa dakbayan.
Namahayag si CDP national president Cong. Rufus Rodriguez nga resulta kini sa gihimo nila nga chapter convention sa USTP Gymnasium ning syudad kagahapong adlawa.
Namahayag si Rodriguez kinsa subli magpapili pagka-kongresista sa distrito dos nga apil sa ipadagan nila pagka-bise mayor si incumbent City Vice Mayor Jocelyn ‘Bebot’ Rodriguez ug lead nominee sa partylist nga si kanhi Abamin Cong. Maxie Rodriguez.
Subli modagan usab pagka-konsehal sa distrito uno sila Atty. Adonis Gumahad ug kanhi LTFRB 10 Director Manny Darimbang.
Samtang sa distrito dos,kini gilakipan ni kanhi Brgy 1 Kapitan Tony Abejuela ug kanhi Nazareth Kapitan Jonjon Rodriguez.
Gawas niini, CDP guest candidates usab sila re-electionist City Mayor Rolando ‘Klarex’ Uy ug Carmen Punong Brgy Kikang Uy sa pagka-kongresista sa unang distrito.
Kauban usab sa district 1 sila Kag Roger Abaday, Juancho “Antoy” Pascual, Desiree “Des” Dahino, Moreno “Jing” Yamut Daba IV, Buluan Kapitan Al “Legaspi Sr ug Christopher “George” Goking.
Samtang sa distrito dos,kini gilangkuban ni Kag.“Girlie” Balaba, Kag. Edgar Cabanlas, kanhi Kag. Ericl Salcedo, Dr. Paolo Gaane, Kapitana Gilda “Gigi” Go ug Kag Alam Lim.
Gi-adaptar usab duha ka panig ang One Kagay-an Coalition alang sa 2025 elections ning syudad.
