Hatagan sa “due process” ang pulis nga gireklamo nga nagpabuto sa armas niadtong Disyembre 25, adlaw sa Pasko. Katin-awan kini ni Police Regional Office-10 Regional Director – Police Brigadier General Christopher Abrahano. Miingon si Abrahano nga gipatuman sa PRO-10 ang “one strike policy” batok indiscriminate firing. Kini nagpasabot nga gawas sa kasong indiscriminate firing nga ipasaka sa nadakpan nga pulis sa Opol MPS, posible usab mag-atubang kini sa kasong kriminal kay wala sa lagda sa kapulisan ang mag-warning shot ilabe na kung makontrolar pa ang sitwasyon. Una niini, malinawon usab ang assessment sa PRO-10 sa pagsugat sa bag-ong tuig. Una niini, mismo si Abrahano ang nangunay sa pagsusi sa mga lugar nga adunay gapamaligya sa pabuto sa piniling lugar sa Northern Mindanao.
