Paningkamutan sa Department of National Defense (DND) ug sa Japan nga makab-ot ang a “one-theater” concept, nga unang gisugyot sa Tokyo Government.
Namahayag si DND Secretary Gilberto Teodoro Jr. nga ang militar sa Pilipinas nakigkoordinar sa depensa sa Japan aron mapatuman ang hiniusa o integrated operational area sa panahon sa gubat, ilabe sa South China Sea, East China Sea, ug Korean Peninsula.
Miingon si Teodoro nga ang konsepto maglakip sa coordinated nga operasyon, domain awareness, intelligence exchange, ug mutual reinforcement sa mga kaalyado nga nasud sama sa Japan, Estados Unidos, South Korea, ug Australia.
Siya miingon nga angay lang nga ikonsiderar nga sama sa teatro ang operasyon tungod kay kini mga maritime ug aerial domains walay mga land borders.
Una niini ang Japanese Joint Operations Command ang nag-operationalize sa maong konsepto, ug suportado sa Chief of Staff sa Armed Forces of the Philippines (AFP) pinaagi ni Gen. Romeo Brawner Jr.
