Mibahad si kanhi Ilocos Sur Governor Chavit Singson nga mulusad sa “one-time, big-time” rally aron ipakita sa Marcos Administration ang dakung pagsupak sa katawhang Pilipino sa naghitak ug lapad nga korapsyon sa managlahing ahensya sa gobyerno. Gihimo ni Singson ang pag-anunsyo pinaagi sa iyang gipatawag nga kapin duha ka oras nga press conference, kahahapon. Ginganlanan ni Singsong ang pulong isip “The Grand Conspiracy” kundiin, lakip sa iyang nahisgutan ang ilegal nga pagtaral kang kanhi Presidente Rodrigo Duterte sa International Criminal Court (ICC) didto sa The Hague Netherlands, nga sugo ni Presidente Bongbong Marcos, aron wala nay maghinaway sa iyang ilegal nga pagpangawkaw sa gipirmahang General Appropriations Act of 2025. Nagtoo si Singson nga ang pagsaba-saba sa kampo ni Duterte sa mga blank items ug kuwestiyonable nga mga insertions sa GAA 2025 maoy rason nga naglagot si Marcos, ug nakita niya nga mahilom ra ang nasud kung wala na si Duterte. Busa, aron mapuslan ang nasugdang paningkamot sa kanhi presidente, laraw sa kanhi gobernador nga mulusad sa lapad nga rally aron hiniusang ikondinar ang mga ilegal nga transaksyon sa administrasyon nga maoy nakapahuyang sa ekonomiya sa nasud.
