CAGAYAN DE ORO CITY- Gibaharan karon sa PNP-10 ang pipila sa ilang kaubanang kapolisan ingon man ang maihap sa tudlo nga public officials nga i-undang na ang pagpadagan sa illegal gambling operations dinhi sa rehiyon.
Miingon si PNP regional spokesperson Supt Lemuel Gonda nga nadawat na nila ang direktiba gikan sa Camp Crame alang sa paglusad sa ONE TIME BIGTIME o OTBT operation batok sa tanang ilegal nga pasugal inabagan usab sa NBI.
Una niini,gimando ni PNP chief Dir Gen Ronald de la Rosa sa tanang regional directors nga himoong illegal gambling free ang ilang tagsa-tagsa ka mga rehiyon nga gidumala.
