CAGAYAN DE ORO CITY, Philippines – Wala gitugot sa Konstitusyon ang sagunson nga pagpasakag reklamo sa impeachment sa tanan impeacheable official sa Pilipnas.
Kini ang gipamugos ni Atty Sheila Sison, Abogado ni Vice President Sara Duterte human miabot sa upat ka impeachment complaints ang nadungog sa kamarabaha ug gi-usa’g endorsar sa hawanan sa senado.
Maoy gibasehan sa depensa ang nakalatid sa 1987 Constitution Article XI Section 3 number 5 nga nag-ingon “No impeachment proceedings shall be initiated against the same official more than once within a period of one year”.
Kini nagpasabot nga mahimong imbalido ang dugang mga impeachment case nga isang-at sa kamarabaha human sa dunggon nga impeachment sa Hunyo 30.
Una niini, nagduda ang kampo ni VP Sara nga pagsipa ug dili paghawid sa posisyon sa gobyerno ang tumong sa mga magbabalaod nga nagpaluyo sa iyang impeachment.
