CAGAYAN DE ORO CITY – (update) Gitin-aw ni Police Provincial Director Police Col Danildo Tumanda nga subject sa ilang man-hunt operation ang mga nahibiling sakop o remnants sa mga private armed groups o PAGS nga naglihok sa Misamis Occidental.
Si Tumanda mi-angkon nga dunay potential grupo sa PAGS nga ilang gigukod busa ilang gi-isa matag bulan ang one-time-big-time loose firearms operations.
Gitug-an ni Tumanda sa Bombo Radyo Cagayan de Oro nga tipik sa mga sakop sa PAGS ang na-abog sa ilang gipakusog nga security operations ug posibling mipadulong na sa Visayas ug Luzon Area.
Hisayran nga gawas sa mga rebelde, ang mga private armed groups nga gihuptan sa mga pulitiko ang nag-unang hulga sa kalinaw ug nagkaduol nga 2019 Midterm Elections sa lalawigan.
