CAGAYAN DE ORO CITY – Milusad na sa imbestigasyon ang Bureau of Plant Industry sa Department of Agriculture sa grabeng pag-ubos sa presyo sa kinilo nga pula nga sibuyas-bombay dinhi sa syudad.
Namahayag si Bureau of Plant Industry deputy spokesperson Henry Esconde nga gipalihok na nila ang Bureau of Customs sa pagsusi sa mga bodega sa sibuyas ning syudad human nabantayan sa mga konsumedor nga midaghan ang suplay sa bombay ug mapalit pa sa online shop.
Unang namahayag si Samahang Industriya ng Agrikultura President Rosendo So nga kinahanglan masuta kung matood ba nga gikan sa Holland ang barato ug imported nga mga sibuyas.
Gusto sa grupo ni So nga gun-ubon kining mga ilegal nga importasyon, aron magamit sa publiko ang mga sibuyas gikan sa Nueva Ecija nga luwas sa makadaut nga kemiko.
