Dakpan ang suspek nga gitoohang online bugaw sa Purok 2A-Pindugangan, Barangay Tipanoy, Iligan.

Ang operasyon gilusad sa kapulisan kontra Online Sexual Abuse and Exploitation of Children (OSAEC) sa Iligan City Police Office, kagahapon.

Subay sa forensic examination nakit-an ang 178 ka mga litrato ug 37 ka mga video nga adunay Child Sexual Abuse or Exploitation Materials (CSAEM) nga nakuha gikan sa cellphone ug computer.

Nakuha gikan sa suspect ang mga mobile phones, computer devices ug tulo ka sex toys.

Samtang, na-rescue sa kapulisan ang 14-anyos nga estudyanteng lalaki nga biktima sa online sexual abuse.

Ang kaso naggikan sa Department of Social Welfare and Development nga may kalabutan sa Vietnamese National, 18-anyos, estudaynte sa Hanoi, Vietnam nga maoy mi-report sa insidente.

Diin sumala pa nga sa menor de edad pa siya gihaylo ug gi-groomed siya sa suspect aron ipadala ang iyang hubo nga mga litrato ug video.

Gipasakaan na og kaso ang suspect sa paglapas sa Repubic Act No. 11930 o Anti-Online Sexual Abuse or Exploitation or Exploitation of Children and Anti- Child Sexual Abuse or Exploitation Materials Act