CAGAYAN DE ORO CITY-Gikasuhan na sa National Bureau of Investigation o NBI-10 ang laing handler sa 1K TURNS TO 1,700 IN JUST 10 Days online investment scam nga suspek pagbulsa sa minilyong salapi gikan sa ilang investors gikan sa pipila ka bahin sa Mindanao.
Kini human mitahan si Reah Vallejos nga gitudlo sa investors nga susama’g binuhatan ni Antonette Sestoso sa maong grupo nga mibulsa sa salapi sa gatusang mga kapitalista.
Namahayag si NBI-10 agents head Atty Alex Caburnay nga sama kang Sestoso,kasong large scale syndicate swindling ang gipasaka kang Vallejos sa piskalya sa syudad.
Gikompirmar usab ni Caburnay nga anaa sa laing walo pa ka online investment scam suspects ang gi-monitor diin sila giaghat mo-surrender sa NBI ning semanaha.
Samtang nakahilak nga nakapanawag sa iyang gitudlo nga financier ang suspek nga si Vallejos nga mopakita sa ilang investors si Joey Calye aron mauli ang gipondo nga salapi sa investors ngadto sa kanila.
Kini human boluntaryo mi-surender sa NBI-10 si Vallejos dihang kabahin siya sa gipangita sa investors ug gikasuhan tungod sa pagkawaldas sa minilyong puhunan gamit ang maong scam.
Miingon si Vallejos nga unta magpakita kanila si Calye aron mahatag pagbalik ang salapi ngadto sa gatusang investors.
Gawas kang Vallejos,kasuhan usab sa piskalya si Winchel Mae Acosta tungod sa maong online scam.
