CAGAYAN DE ORO CITY – Moabot sa 35 ka litro nga hand disinfectant ang nabawi sa National Bureau of Investigation-Iligan City gumikan sa overpricing kagahapong adlawa.
Nagtingkagol na sa bilangguan ang online seller nga si Wennilyn Apyag, hingkod ang panuigon ug residente sa maong dapit.
Sumala ni Atty. Abdul Jamal Dimaporo, head sa NBI-Iligan district office nga ilang gisikop ang suspek dihang napamatud-an nga nagbaligya sa taas nga presyo sa hand disinfectant diin anaa sa P360.00 matag litro.
Gibanabana ni Dimaporo nga anaa sa P20,000 ang kantidad sa ilang narekober nga mga hand disinfectant.
Nag-atubang sa kasong pagsupak sa RA No. 7394 kon Consumer Act or Republic Act ang suspek.
