Good news alang sa kaban sa gobyerno apan bad dautan alang sa online shoppers.
Kini human pormal nang gipirmahan ni Pres Ferdinand Marcos Jr ang Republic Act 12023 o mas naila isip Value Added Tax o VAT on Digital Services Law.
Tungod sa maong balaod, patungan na sa online sellers sa 12% VAT ang kinatibuk-ang presyo sa paliton nga produkto gikan sa managlahing online shop platform.
Gidepensa ni Marcos ang bag-ong balaod ug namugos nga mukita ang nasud sa 105 bilyon pesos pinaagi sa maong buluhisan alang sa sunod lima ka tuig.
Gipadumdum ni Marcos nga dili mahimong libre sa obligasyon ang mga online sellers. Pinaagi usab sa maong balaod mas matabangan sa gobyerno ang Bureau of Internal Revenue nga malakag ang mga online sellers nga dili gabayad sa ilang buluhisan.
Lakip sa patungan sa 12 % VAT ang non-resident digital service providers o DSPs sama sa online search engines, online marketplaces, cloud services, online media and advertising, online platforms ug digital goods.
Gisaad ni Marcos nga ang 5% nga kinitaan sa VAT mopadulong sa pagtabang sa industriya sa sa mga artista, content creators, filmmakers,mga musikero ug daghan pang uban.(Bombo Anne Quileste).
