CAGAYAN DE ORO CITY – Pabor ang respetado ug ilado nga mental health consultant nga si Stella Ferrarez nga wad-on sa hingpit sa gobierno ang online gaming nga gika-alarma sa simbahang Katolika.
Kini human unang nagpalugwa sa sulat-pahayag ang mga obispong Katoliko sa ilang panagtigom nga nahingawa sila pag-ayo sa online sugal kay mapasamot ang pagkaguba sa matag-pamilya nga maapektuhan niini.
Gibutyag ni Ferrarez nga mapa-legal o illegal ang online gaming,dili kini angay motigbabaw kay pulos man walay kasiguruhan ang kapalaran sa mga tayador o modula niini.
Siya miingon nga dako’g papel ang mga ginikanan nga mapitol sa ilang mga anak nga ilikay sa maong klase sa kahilayan nga moguba sa ilang mga kaugmaon ug pundasyon sa matag-pamilyang Pilipinhon.
