Gipasalig sa Cagayan de Oro Road and Traffic Administration nga dili makadugang sa kahuot sa trapiko ug dili makadaot sa panginabuhi sa mga lokal nga drayber ang pagpabiyahe sa Green GSM Electric Taxi sa syudad.
Gipahayag ni RTA Head Doy Ramiro nga dili pa pinal ang tanan tungod kay gipugngan pa ni Mayor Rolando Klarex Uy ang katapusang pag-uyon samtang giatiman pa ang mga hangyo sa mga lokal nga operator
.Gipasabot sa maong opisyal nga tulo ka gatos ka units lamang ang gi-alokar sa LTFRB alang sa tibuok rehiyon ug dili kini dungan nga mag-istambay sa syudad tungod kay naa sa El Salvador ang ilaha nga charging station.
Gumikan niini, gigamit usab sa maong kompanya ang ilang tracking data aron masiguro sa publiko nga kontrolado ang dagan sa mga sakyanan samtang nagpaabot sa katapusang desisyon sa mayor.
