Gipasangil sa lokal nga sektór sa transportasyon nga ilegal ug naglihok pa gihapon nga colorum ang operasyon sa langyaw nga Green GSM Taxi sa Cagayan de Oro ug mga kasikbit nga dapit.
Gitino ni Cagayan de Oro First Taxi Drivers and Operators Association o CAFITADA President Bernie Jamaca nga puros ra provisional authority ang gihawiran sa maong mga sakyanan ug wala pay opisyal nga Certificate of Public Convenience o CPC gikan sa kagamhanan.
Apan gipasabot sa opisyal nga gitugotan ra sa Land Transportation Franchising and Regulatory Board o LTFRB ang maong kompanya nga makabiyahe alang sa usa ka dry run pinaagi lamang sa ilang mobile app.
Tungod sa maong sitwasyon, gipanghugtan sa CAFITADA ang ilang petisyon sa LTFRB aron opisyal nga babagan ug ipatunhay ang hustisya batok sa pagsulod sa maong langyaw nga korporasyon sa dakbayan
