Padayun ug normal ang operasyon sa Cogon Public Market bisan pa sa mikaylap nga isyu sa syudad kabahin sa giingong kaso sa leptospirosis, ilabi na sa fish section sa merkado.
Namahayag si City Information Office Head Jade Adeser sa Bombo Radyo nga wala’y kausaban sa operasyon sulod sa merkado ug na-inspeksyon na kini sa City Health Office kauban ang buhatan sa City Economic Enterprises and Business Development Administration o CEEBDA aron masuta ang kahimtangan sa sanitation.
Gipatin-aw usab ni Adeser nga wala’y opisyal nga datos nga nagapamatood nga leptospirosis ang hinungdan sa pagkamatay sa usa ka vendor sa Cogon, ug wala usab matuod ang alegasyon nga adunay napulo ka mga tawo ang nabiktima sa maong sakit nga giingong nakuha sa merkado. (James Oliver)
