CAGAYAN DE ORO CITY – Gikalipay sa Land Transportation and Franchising Regulatory Board o LTFRB-10 ang nagkataas nga ihap sa operators nga mitambong sa gipahigayong tigom alang sa Public Utility Vehicle Modernization Program sa gobyerno.
Miingon si LTFRB administrative officer Marianne Ulep nga gatusan ka operators ang mitambong sa ilang gihimong tigom sa SM Uptown ning syudad.
Siya miingon nga nagpasalamat lamang kini nga andam na ang public transport operators sa modernization program sa gobyerno.
Gani, gikalipay usab niini ang nagkataas nga ihap sa mga gitukod nga kooperatiba ug korporasyon isip kabahin sa proseso sa govt modernization program.
Samtang dismayado ang National Confederation of Transport Union o NCTU-10 sa tigom sa Public Utility Vehicle Modernization Program sa gobyerno.
Gibutyag ni NCTU regional coordinator Joel Gabatan nga walay kabag-uhan ang maong forum itandi sa unang tigom nga gihimo sa mga ahensya kauban ang transport group.
Gani, gisaway ni Gabatan nganong wala ang regional directors sa duha ka ahensiya atol na sa maong panagtigom.
Una nang gitin-aw ni Gabatan nga dili sila supak sa modernization program sa gobyerno apan wala lamang sila makaangay sa sistema niini.
