CAGAYAN DE ORO CITY – Nagpositibo sa paggamit sa ilegal nga droga ang duha gikan sa dul-an 180 ka bus ug taxi drivers nga sorpresa gipaubos sa drug test pinaagi sa ‘oplan harabas’ sa mga terminal sa Bulua Westbound ug Agora,Brgy Lapasan ning syudad.
Kini aron masiguro sa gobierno nga dili adis-adis ang bus ug taxi drivers nga gamaneho sa ilang mga sakyanan sakay ang mga pasahero nunot sa pagtamod sa semana santa.
Gibutyag ni PDEA 10 Director Jigger Montellana nga kadtong nasapon nga positibo ang ilang itugyan sa LTO aron ma-hold ang mga lisensiya ug sa brgy alang sa anti-drug use intervention.
Hisayrang tinuig kining gibuhat sa PDEA kuyog ang PNP,LTO,LTFRB,DoH ug DILG aron ilikay ang mga driver sa dugu-ong mga disgrasya sa kadalanan.
