CAGAYAN DE ORO CITY-Gikompirmar ni Land Transportation Franchising and Regulatory Board o LTFRB regional director Allan Guru nga modawat na’g aplikasyon sa special permit ang iyang opisina sa adlaw sa mga santos ug kalag.
Matud ni Guru nga bukas ang iyang opisina alang sa mga operator nga interesado nga magkuha sa permit.
Gani, gibutyag niini nga nagkuha na’g permit ang usa ka bus company alang sa ilang 15 ka unit nga mobiyahe gawas sa ruta niini.
Ang paghatag special permit sa mga mobiyahe sa umaabot Undas ang gihimo sa ahensiya aron makatabang sa pagdagsa sa mga biyahero panahon sa “Undas”.
Nanawagan usab si Guru sa mga bus compay ug mga de-pasayruang jeep nga likayan ang ‘overloading’ nga biyahe.
Siya miingon nga ila nang ilusad ang Oplan Byaheng Ayos, Undas 2018 diin ilang monitoron ang terminals sa rehiyon.
Dugang niini nga magbutang usab sila’g help desk aron diretso matubag ang mga suliran sa mga pasahero.
Nanawagan usab si Guru nga kinahanglang segurohon nga anaa sa kondisyon magmaneho ang mga drayber.
