CAGAYAN DE ORO CITY, Philippines – Gidasig ni PNP Chief – General Rommel Marbil nga makigdayalogo ang kadagkuan sa Commission on Elections sa ilang han-ay.
Nunot kini sa akusasyon sa COMELEC nga usa ka klase sa pagtunob sa tawhanong katungod ang ilang gilusad nga Oplan Katok.
Si Marbil mitin-aw nga ang paghouse – to house sa ilang PNP Personnel ipahigayon lamang matag alas 8 sa buntag hangtud alas 5 sa hapon.
Gipamugos ni Marbil nga walay sagol pamulitka, ug walay dalang hulga ang nasampit nga lakang panahon sa piliay.
Una niini, nagpagawas sa pormal nga pamahayag ang COMELEC aron ihunong sa PNP ang Oplan Katok, ubos sa election period, ug mag-resume human sa piliay aron dili makamugna dugang kahadlok sa mga sibilyan nga mubutar sa piliay sa Mayo.
