CAGAYAN DE ORO CITY – Ipatuman sa konseho ning syudad ang OPLAN LIMPYU batok dengue.
Namahayag si City Administrator Teddy Sabugaa nga mao kini ang nag-unang lakang ni City Mayor Oscar Moreno agig tubag sa gideklarar sa Department of Health nga National Dengue Alert.
Sa maong operasyon, awhagon sa tanan publiko nga manlimpyo sa palibut. Tigumon sab sa mayor ang tanan kapitan sa 80 ka barangay sa syudad aron iduso ang binulan nga citywide Oplan Limpyo batok Dengue karong Hulyo 26.
Base sa ulahing data sa City Health Office, 11 na katawo ang namatay gikan sa 1,156 ka kaso sugod Enero hangtud Hunyo ning tuiga.
