Opisyal nang gilusad sa Department of Information and Communication (DICT) ang “Oplan Paskong Sigurado”.
Kini nga kampanya gitumong aron masanta ang online scam panahon sa Pasko, ug nagtinguha nga walay Pilipinong mabiktima sa digital nga pagpangilad samtang nagselebrar sa holiday season.
Kauban ang Bangko Sentral ng Pilipinas (BSP), mga bangko, ug mga law enforcement agencies, ang DICT nagpalig-on sa cybersecurity sa e-commerce ug e-payment platforms aron mapadayon ang kasaligan sa digital transactions.
Gipahimangnuan ang publiko nga magmatngon batok sa phishing, fake promos, ug mga link nga makaduda, samtang gipasabot sa National Privacy Commission nga walay data breach nga nahitabo sa GCash.
