CAGAYAN DE ORO CITY-Gipaniguro karon ni PNP regional spokesperson Supt Lemuel Gonda nga kaminusan na ang giingong pag-abuso sa paglusad sa anti-illegal drugs campaign pinaagi sa Oplan Tokhang batok sa suspected drug pushers ug users dinhi sa rehiyon.
Kini human pinili na lamang ang molangkob sa operasyon diin ang intelligence units lamang sa kapolisan sa matag-probinsya ug kalungsuran ang hatagan sa maong tahas.
Gibutyag ni Gonda nga ipaubos usab sa ebalwasyon ang performance sa maong mga pulis aron masiguro nga dili magamit sa binuang ang kampanya sa gobierno batok ilegal nga droga.
Karong adlawa,opisyal nang ilusad ang gipalig-on nga anti-illegal drugs operation ug Tokhang operation diin taga-simbahan ug barangay opisyales ang mangunay paghimo niini.
Hisayrang sa unang paglusad sa Oplan Tokhang sa rehiyon,anaa sa kapin 82-mil ka drug pushers ug users ang boluntaryo mitahan sa kapolisan.
