CAGAYAN DE ORO CITY – Sugdan sa committee of the whole sa Sangguniang Panlalawigan ang imbestigasyon sa casino operation nga naglihok diha sa Brgy Taboc,Opol,Misamis Oriental.
Miingon si SP majority leader Board member Gerardo Sabal III nga napadala na nila ang imbitasyon sa hingtungdang mga ahensiya aron mohatag katin-awan kon nganong wala moagi sa ensaktong proseso ang maong balay-pasugalan.
Gibutyag ni Sabal nga kon dili pa sila matagbaw sa katin-awan sa mga imbitadong mga personalidad,subli sila mohimo sa imbetigasyon.
Una nang gibarugan ni Opol Mayor Max Seno nga uyon siya sa casino operation nga gipadagan sa Grand Imperial nga nakakuha’g prangkisa sa Philippine Amusement and Gaming Corporation o PACGOR kay daw makahatag kini’g dakong kaarangan alang sa ilang katawhan.
Dumduman nga naukay ang maong pasugalan kay mismo si Cagayan de Oro Archbishop Jose Cabantan ang mibulgar niini ug kusganong gisupak.
