CAGAYAN DE ORO CITY – Mi-apelar sa kanhi mayoralty candidate Pompee La Viña nga ihikling na ang panaglahi sa kolor sa politika sa mga midaug nga local candidates aron masugdan na ang pagpabangon sa kahimtang sa dakbayan nga naigo sa krisis dala sa ekonomiya ug ubang mga problema.
Gihimo ni La Viña ang hangyo dungan sa pagdawat na niini sa iyang kapildihan pagka-mayor ngadto kang 1st District Rep Rolando ‘Klarex’ Uy sa miaging piliay sa dakbayan.
Miingon si Pompee nga dili makasugod sa pagtrabaho ang mga nangdaug kon pabiling dunay panagdumot sa politika ang mga kanhi kandidato nga nagbangga sa miaging piliay sa syudad.
Samtang gipasalig ni Deputy House Speaker ug 2nd District Rep Rufus Rodriguez ang pagtinabangay tali sa ilang bando ug liderato sa administrasyon ni City mayor elect 1st District Rep Rolando ‘Klarex’ Uy ning syudad.
Kini maoy garantiya ni Rodriguez sa kondisyon nga maghatag sa ikaayo sa katawhan ang mga programa nga hingusgan sa bag-ong administrasyon.
Miingon ang kongresista nga nagka-estorya na sila ni Klarex ug ilang nauyunan ang paghatag sa dugang mga mihuras nga ikabulahan sa katawhan sa dakbayan bisan kon managlahi ang ilang mga partidong politikal.
Hisayrang una na usab nga mihangyo sa pakighiusa si Klarex ngadto sa oposisyon mismo sa proklamasyon niini sa kadaugan isip pagka-mayor sa dakbayan.
