CAGAYAN DE ORO CITY – Naghatag na’g problema alang sa Commission on Elections ang dugay nga pag-resolba sa mga botante nga kalit namalhin sa Brgy Carmen kay aron makabotar sa 2025 elections.
Kini human unang gisupak sa pipila ka residente ang pagsulod sa maong mga botante gikan sa laing kabarangayan ug pipila ka lungsod sa Misamis Oriental.
Miingon si Comelec-Misamis Oriental Provincial Election Supervisor Atty Carlito Ravelo nga hangtod dili matapos ang maong isyu,malangan usab ang pagsilyo sa voters registration list sa syudad ug lalawigan.
Gihimo ni Ravelo ang komento nunot sa presenya sa mga personahe gikan sa Comelec-Manila IT Dept aron mosusi sa listahan sa mga botante iyang opisina ning semanaha.
Hisayrang mitukod sa task force ang Comelec-Manila aron imbestigaran ang massive transfer sa mga botante sa usa lang ka lugar sama sa nahitabo sa Brgy Carmen.
